gervigreind/
Aðstoðarmaður sem er þjálfaður á þitt fyrirtæki og tengdur við kerfin þín. Hann flettir upp lausum dögum og verði, svarar á hvaða tungumáli sem er, og hann er ekki almennt spjallmenni sem endursegir vefinn þinn.
Hann tekur útlitið af vefnum þínum, ekki mínu.
les hvad_skiptir_mali()
Allir geta keypt aðgang að sömu módelunum. Munurinn liggur í því hvað aðstoðarmaðurinn veit um þig og hvað hann kemst í.
Hann veit það sem þú segir honum, ekki bara það sem stendur á vefnum. Reglur um afbókun, hvað hentar börnum, hvar er best að leggja, hvað þið gerið þegar veðrið bregst. Þetta er þekking sem er annars bara til í höfðinu á þér og í símanum.
Hann flettir upp í dagatalinu og verðskránni og svarar með raunverulegum tölum. Þess vegna getur hann svarað "er laust um helgina" og "hvað kostar þetta" en ekki bara vísað á síðu sem gesturinn þarf sjálfur að lesa.
Það sem hann veit ekki segir hann hreint út og bendir á símann þinn. Þess vegna er óhætt að hafa hann kveiktan þegar þú ert hvergi nálægt.
keyrir synishorn
Þetta er aðstoðarmaðurinn sjálfur, sama forrit og viðskiptavinir fá uppsett. Fyrirtækið er tilbúið dæmi og upplýsingarnar eru þess.
Hann er hérna til hliðar, alveg eins og hann situr á vefnum þínum. Veldu spurningu og hann svarar henni, eða opnaðu hann og skrifaðu þína eigin.
Enginn aðstoðarmaður er tengdur við þessa síðu. Svörin eru skrifuð fyrir fram og leikin í forritinu sjálfu, þannig að ekkert hér getur skáldað.
Hann þylur ekki upp hvað hann kann, hann spyr hvað hann geti gert fyrir þig. Að þetta sé sjálfvirk aðstoð stendur í hausnum og neðst í glugganum allan tímann, ekki í einni setningu sem hverfur upp úr samtalinu. Tillögurnar koma úr þínum eigin algengu spurningum.
Merkið fyrir ofan svarið segir að hann hafi flett upp í verðskránni þinni. Talan er reiknuð í sama kerfi og bókunarformið notar og birtist í uppsettu korti sem gestur getur ekki mislesið.
Sama merki, sama uppsetning. Hann les dagatalið, hann breytir því ekki, og gesturinn heldur áfram í bókunarbeiðni ef hann vill.
Enginn annar sýnir þessa mynd. Hann kann mikið en hann kann ekki allt, og þá giskar hann ekki: hann segir það hreint út og réttir þér símann.
Ferðamaðurinn spyr á ensku og fær svar á ensku, úr sömu upplýsingum. Þú þarft ekki að halda úti tveimur útgáfum af svörunum.
Svarið hér er ekki af neinni síðu. Það er það sem þú sagðir honum um staðinn, sett upp þannig að gesturinn les það sem hann þarf og sleppir hinu.
les uppsetningu()
Ef ég er þegar með vefinn þinn í hýsingu þá er þetta ekkert verk fyrir þig. Ef einhver annar sér um hann þá er þetta ein lína.
01utlit()
Litir, letur og horn koma úr vefnum þínum. Hann er teiknaður inni í eigin hólfi svo hvorugt kerfið getur skemmt hitt.
02thjalfun()
Við förum yfir reksturinn saman: verð, reglur, það sem gestir spyrja alltaf um og það sem hvergi stendur skrifað. Þú staðfestir hverja línu áður en hann fer í loftið.
03profun()
Þú spyrð hann tíu spurninga í einrúmi og sérð nákvæmlega það sem gestur myndi sjá. Ekkert fer í loftið fyrr en þú segir já.
04thak()
Takmörk á hverja fyrirspurn, á hverja tölvu á dag og á daginn í heild. Reikningur getur ekki hlaupið á sig.
les stodu.gervigreind
tilbúið
Hann les dagatalið og verðskrána og reiknar hvorugt sjálfur, svo hann getur ekki lofað verði sem er ekki til eða degi sem er upptekinn. Vilji gesturinn bóka útbýr hann tillögu og gesturinn ýtir sjálfur á staðfestingu. Aðstoðarmaðurinn bókar aldrei fyrir hann og það er viljandi: röng dagsetning í tillögu er eitthvað sem gesturinn sér og hafnar, en röng bókun er komin inn í dagatalið þitt. Breytingar og afbókanir fara áfram í gegnum símann.
opnar samtal
Ég set hann upp með þínum eigin upplýsingum og þú spyrð hann sjálf áður en nokkur gestur sér hann.