leitarsynileiki/
Google hefur alltaf lesið vefinn þinn. Núna gerir gervigreindin það líka, og hún svarar fólki beint í staðinn fyrir að rétta því tíu bláa hlekki. Vefur sem hvorugt skilur er ekki illa hannaður, hann er ósýnilegur.
Grunnurinn fylgir hverjum vef sem ég smíða. Þetta er vinnan ofan á hann.
les hverjir_lesa()
Þess vegna dugar ekki að gera eitt og vona að hitt fylgi með. Þau vilja sitt hvað af sömu síðunni.
01
Er titill, er lýsing, er ein fyrirsögn, er vefkort, virkar þetta í síma og hleðst það hratt. Þetta er leiðinlegt og það er mælanlegt, og það er enn það sem ræður því hvort þú birtist þegar einhver slær inn nafnið á bænum þínum og þjónustunni þinni.
02
Hún les síðuna til að svara manneskju sem spurði á mæltu máli. Hún þarf að vita hvers konar fyrirtæki þetta er, hvar það er, hvenær er opið og hvað það selur, sagt þannig að vél geti tekið það úr textanum. Fallegur texti sem segir „við bjóðum upp á einstaka upplifun“ svarar engri af þeim spurningum.
03
Bæði sækja síðuna eins og hún kemur af netinu og lesa það sem er þar strax. Efni sem birtist fyrst eftir að vafrinn hefur unnið úr JavaScript er í reynd ekki til fyrir þau. Þess vegna er þetta byggingaratriði en ekki markaðsatriði.
les hvad_er_gert()
Sama vinna í hverjum mánuði, á vefnum sem ég hýsi hvort sem er. Ekkert af þessu krefst þess að þú gerir neitt.
01
Hvers konar fyrirtæki, hvar það er, opnunartími, verð og þjónusta, skrifað í snið sem bæði Google og gervigreind lesa beint. Þetta er stærsti einstaki munurinn og hann sést hvergi á skjánum.
02
Skráningin yfirfarin með vefnum svo opnunartími, símanúmer og heimilisfang segi það sama á báðum stöðum. Ósamræmi þarna er algengasta ástæðan fyrir því að fyrirtæki birtist ekki á kortinu.
03
Opnunartími, verð og staðsetning þurfa að standa í textanum sjálfum. Vél sem á að svara „hvenær er opið“ getur ekki lesið það úr mynd eða úr PDF.
04
Sama mæling og þú getur keyrt sjálf, keyrð aftur mánaðarlega, og það sem hefur dottið niður er lagað. Vefur sem var í lagi í mars er ekki sjálfkrafa í lagi í september.
les hringinn
Þrjú skref og það þriðja er ástæðan fyrir því að þetta er mánaðarplan en ekki verk sem klárast.
Þú sérð töluna sjálf áður en nokkuð er ákveðið. Mælingin er ókeypis, tekur nokkrar sekúndur og biður þig ekki um netfang.
Ég geri það sem mælingin fann. Þú færð ekki skýrslu með verkefnalista, þú færð vefinn lagaðan.
Í næsta mánuði er sama mæling keyrð aftur. Þú sérð hvort talan hreyfðist, og ef hún hreyfðist ekki þá sérðu það líka.
les stodu.synileiki
Þetta er sá hluti þessarar þjónustu sem flestir selja með fullyrðingum sem enginn getur staðið við. Hér er hvað er satt.
tilbúið
Tvennt sem ég lofa ekki. Ég lofa ekki tilteknu sæti hjá Google, því það er ekki mitt að gefa og hver sá sem lofar því er annaðhvort að giska eða að skálda. Og ég lofa ekki hvað gervigreind segir um þig, því enginn stýrir því, svörin eru ekki þau sömu í hvert skipti og þau ráðast meðal annars af því hver spyr og hvaðan. Það sem er hægt að vinna er að gera vefinn læsilegan og mæla hvort það hafi tekist. Hitt er sölutal.
opnar samtal
Mælingin er ókeypis og tekur nokkrar sekúndur. Ef talan er góð þarftu ekki á mér að halda, og ef hún er það ekki þá veistu nákvæmlega hvað er að.
