kerfi://sndr
reykjavík --:--:--en[ hefja verkefni ]

bokunarkerfi/

SNDR Booking

Bókanir á þínum eigin vef, ekki á einhverjum öðrum.

Gestir bóka hjá þér, þú staðfestir úr símanum og greitt er þegar gesturinn mætir. Enginn tekur prósentu af bókuninni á leiðinni.

Kerfið er smíðað og keyrir. Allt sem talið er upp hér að neðan er komið í loftið.

les ferlid.bokun

Hvernig það gengur fyrir sig

011/3

Gesturinn bókar hjá þér

Á þínu eigin léni, í þínu útliti. Kerfið reiknar verðið, veit hvað er laust og hleypir engum inn á dag sem er lokaður.

022/3

Þú færð beiðnina í símann

Með nafni, fjölda, síma og því sem gesturinn skrifaði sjálfur. Þú staðfestir eða hafnar með einni snertingu og gesturinn fær svar.

033/3

Greitt er á staðnum

Þegar gesturinn mætir, eins og þú gerir í dag. Engin greiðslugátt, engin kortagjöld og engin endurgreiðsluvesen.

les tvibokun.bokun

Tvær bókanir komast aldrei í sama plássið

Tvöföld bókun kostar þig gestinn, kvöldið og yfirleitt umsögnina líka. Kerfið er smíðað þannig að hún geti ekki gerst innan þíns eigin kerfis. Svona er það tryggt.

Plássið er tekið strax

Beiðni heldur plássinu sínu um leið og hún berst, ekki þegar þú staðfestir hana. Næsti gestur sér herbergið upptekið á meðan þú hugsar þig um.

Tveir á sömu sekúndu

Bókanir hvers fyrirtækis fara í eina röð og eru afgreiddar ein í einu. Sú síðari sér því alltaf þá fyrri og fær nei, líka þegar munurinn er millisekúnda.

Þú getur ekki staðfest tvær

Þegar þú ýtir á Staðfesta reiknar kerfið plássið upp á nýtt. Sé það ekki lengur laust stöðvar það þig og segir af hverju, í staðinn fyrir að þú komist að því þegar báðir gestirnir mæta.

Nema þú viljir það sjálf

Þú mátt skrá bókun handvirkt ofan í fullt hús, því stundum veist þú eitthvað sem kerfið veit ekki. Þá segir það þér hvað þú ert að yfirskrifa og skráir að ákvörðunin hafi verið þín.

Þetta á líka við um Airbnb og Booking.com: dagatölin þaðan eru lesin á fimmtán mínútna fresti og loka nóttunum hjá þér sjálfkrafa. Eitt bil stendur eftir sem ekkert kerfi lokar: þau lesa þitt dagatal á sínum hraða og ráða því sjálf, Airbnb á þriggja tíma fresti og Booking.com á tveggja, svo nótt sem selst hjá þér getur enn selst þar áður en þau lesa. Hafðu Instant Book slökkt og þá lokast það bil líka.

opnar stjornbordid

Stjórnborðið

Þetta er skjárinn sem þú notar á hverjum degi. Hann er hannaður fyrir síma í dagsbirtu með kaldar hendur, ekki fyrir skrifborð.

01i_dag()

Í dag

Hverjir eru að koma, hversu margir og hvað þeir skrifuðu. Byggt upp eftir ferðum en ekki eftir bókunum, því það er þannig sem þú hugsar um daginn.

02beidnir()

Beiðnir

Allt sem bíður svars, með fjöldann á flipanum svo þú sérð það án þess að opna neitt. Staðfesta eða hafna er ein snerting.

03dagatal()

Dagatal

Heill mánuður í einu. Þú sérð á augabragði hvaða dagar eru þéttir, hvað er lokað og hvar eitthvað bíður svars, þegar einhver hringir og spyr um fjórtánda.

04ferill()

Ferill hverrar bókunar

Hvað gerðist, hvenær og hver gerði það. Hvort gesturinn fékk staðfestinguna raunverulega senda er skráð, svo þú þarft ekki að muna það sex vikum seinna.

05simi()

Bókun sem kom símleiðis

Þú skráir hana sjálf og hún telur með. Annars fyllist ferð í símanum á meðan vefurinn heldur áfram að selja sömu sætin.

06dagatalsslod()

Í þitt eigið dagatal

Staðfestar bókanir birtast í símadagatalinu þínu við hliðina á öllu hinu. Sett upp einu sinni og svo aldrei snert aftur.

sýnishorn

Tímalínan: herbergin og næstu tvær vikur

Hvert herbergi er lína og hver bókun er stika sem nær yfir næturnar sínar. Grænt er staðfest, gult bíður svars, og punkturinn merkir daginn í dag. Þú sérð götin í mánuðinum á einni sekúndu.

sýnishorn

Í dag: hverjir eru að koma

Fyrsta sem þú sérð eru tölurnar: hverjir koma í dag, bókaðar nætur, staðfest verðmæti og hvað bíður svars. Fyrir neðan er dagurinn sjálfur í þremur hlutum, þeir sem koma, þeir sem eru í húsi og þeir sem fara, svo þú sérð morguninn og kvöldið í einni sýn.

sýnishorn

Beiðnir: þú ræður hverju er svarað

Beiðni verður aldrei að bókun fyrr en þú ýtir á Staðfesta. Verðið er reiknað, nafnið og númerið eru þarna, og þú svarar með einum smelli. Talan á flipanum segir þér hvað bíður.

sýnishorn

Dagatal: mánuðurinn í einni mynd

Súlan undir hverjum degi sýnir hversu margir eru bókaðir, punkturinn að eitthvað bíður svars. Þú lokar degi með einum smelli og þá er ekki hægt að bóka hann á vefnum.

sýnishorn

Rásir: Airbnb og Booking.com á sama skjá

Eitt spjald á hvert herbergi með báðum áttum. Þú sérð hvenær við lásum dagatalið þeirra síðast og, það sem ekkert annað kerfi sýnir þér, hvenær Airbnb sótti þitt. Herbergið verður grænt þegar báðar leiðir eru sannreyndar, ekki þegar þú heldur að þú hafir límt rétt.

sýnishorn

Beinar bókanir: hvað sat eftir hjá þér

Krónurnar sem komu inn um þinn eigin vef og síma, mánuð fyrir mánuð, og slitna línan er mánaðargjaldið mitt uppsafnað. Þar sem línurnar mætast hætti kerfið að kosta þig nokkuð. Hlutfallið sem bókunarsíðan þín tekur slærð þú sjálf inn, því það stendur í þínum samningi en ekki mínum, og sé reiturinn auður reiknar kerfið ekkert.

Skjámyndirnar eru teknar úr kerfinu sjálfu í keyrslu, ekki teiknaðar. Gistihúsið Fell er tilbúið dæmi og gestirnir í því eru ekki til.

les gjald.bokun

Núll prósent af bókunum

Þú borgar fast mánaðargjald fyrir hugbúnaðinn. Ekki hlutfall af því sem þú selur.

SNDR Bookingfast mánaðargjald0%
Bókunáskrift og hlutfall ofan á1,5%
Booking.com og Airbnbþóknun af hverri bókun15 til 18%

Ástæðan er einföld: peningarnir fara aldrei í gegnum reikning hjá mér. Gesturinn greiðir þér beint. Ég sé engar krónur og hef ekkert með uppgjörið að gera. Ég sel hugbúnað, ekki aðgang að tekjunum þínum.

Hlutfall Bókunar er af verðskrá þeirra og þóknun bókunarsíðanna er af þeirra eigin skilmálum. Athugaðu þau sjálf, ekki taka mínu orði fyrir því.

les greidslur.bokun

Greiðslur

Í dag: greitt á staðnum eða í gegnum gestgjafann

Gesturinn bókar, þú staðfestir og greiðslan fer fram þegar hann mætir, alveg eins og hún gerir hjá þér núna. Fyrir gistingu og ferðaþjónustu er þetta oftast það sem hentar best: engin greiðslugátt, engin kortagjöld, engin endurgreiðsluvinna og enginn þriðji aðili sem heldur peningunum þínum í viku.

  • Ekkert uppsetningargjald og engin kortagjöld
  • Gesturinn er ekki rukkaður fyrr en hann mætir
  • Afbókun kostar hvorugan ykkar neitt

les tengsl.bokun

Hvernig þetta hangir saman

Fjórir hlutir, og hver þeirra les sömu upplýsingarnar. Það er ástæðan fyrir því að ekkert getur sagt sitt hvað.

  1. 01

    Vefurinn þinn

    Bókunarformið situr á þínu eigin léni. Gesturinn fer aldrei á annan vef og sér aldrei annað vörumerki en þitt.

  2. 02

    Verðin og herbergin

    Það sem þú skráir í vefumsjónina er það sem formið verðleggur eftir. Þú breytir verði á einum stað og bæði vefurinn og bókunin fylgja.

  3. 03

    Stjórnborðið

    Beiðnin lendir hjá þér, þú staðfestir eða hafnar, og gesturinn fær svar. Ekkert gerist án þín og ekkert er greitt á netinu.

  4. 04

    Dagatalið þitt

    Staðfest bókun birtist í Google eða Apple dagatalinu þínu við hliðina á öllu öðru sem þú ert að gera þann daginn.

Gervigreindarsvarið, ef þú ert með það, les nákvæmlega sama dagatal og sömu verðskrá. Þess vegna getur það ekki lofað kvöldi sem er uppselt.

les tengingar.bokun

Hverju það tengist

Bókunarkerfi er ekki eyland. Hér er allt sem kerfið talar við í dag.

Google dagatal

Staðfest bókun birtist í dagatalinu þínu við hliðina á öllu hinu.

Apple dagatal

Sama slóð, sett upp einu sinni í símanum og svo aldrei snert aftur.

Outlook og önnur dagatöl

Slóðin er venjulegt iCal, svo hvaða dagatal sem les það virkar.

Tölvupóstur

Staðfesting fer út af þínu eigin léni, ekki af einhverju sndr netfangi.

Vefurinn þinn

Bókunarformið situr á þínu léni. Gesturinn fer aldrei annað.

Gervigreindarsvarið

Svarar um laus kvöld og verð með því að lesa sama dagatal og þú sérð.

Símabókanir

Bókun sem kom símleiðis skráir þú sjálf, og hún lokar deginum eins og hinar.

Airbnb og Booking.com

Dagatalið þeirra lesið á fimmtán mínútna fresti, þitt sent til baka fyrir hvert herbergi, og þú sérð hvenær þau sóttu það.

Notarðu kerfi sem er ekki á listanum? Spurðu. Kerfið er mitt eigið, svo tenging er smíðaverk en ekki leyfismál sem einhver annar þarf að samþykkja. Ég segi þér hvað hún kostar og hvað hún tekur langan tíma áður en þú ákveður nokkuð.

les stodu.bokun

Hvað er komið í loftið

Hver einasta lína hér keyrir í dag. Þú átt að geta athugað þær allar áður en þú skrifar undir.

tilbúið

  • Bókun á þínu eigin léni, beiðni og staðfesting
  • Stjórnborðið: Í dag, beiðnir, dagatal, ferill hverrar bókunar
  • Bókun sem kom símleiðis, skráð af þér
  • Bókun úr spjallinu, undirbúin af aðstoðarmanninum og staðfest af gestinum
  • Loka degi, setja bókanir í pásu
  • Dagatalsslóð í Google og Apple dagatal
  • Dagatal lesið frá Airbnb og Booking.com á fimmtán mínútna fresti
  • Þitt dagatal sent til þeirra, eitt fyrir hvert herbergi
  • Sést svart á hvítu hvenær Airbnb sótti dagatalið þitt síðast
  • Greiðsla á staðnum eða í gegnum gestgjafann

Innlesturinn frá Airbnb og Booking.com er kominn og keyrir á fimmtán mínútna fresti. Eitt bil stendur samt eftir og það er ekki á mínu valdi: Airbnb les þitt dagatal á þriggja tíma fresti og ræður þeirri tíðni sjálft, svo nótt sem selst hjá þér getur enn selst þar innan þess glugga. Þess vegna mæli ég með að hafa Instant Book slökkt á Airbnb. Ég vil frekar segja þér það núna en þegar tvöföld bókun kemur upp.

opnar samtal

Viltu sjá það keyra á þínum eigin vef?

Ég set upp sýnishorn með þínum eigin ferðum eða herbergjum og þú prófar að bóka í símanum þínum. Það kostar ekkert og bindur þig ekki.

Sjá verðin