vefsíðugerð fyrir fyrirtæki VEFUR SEM FÆR FÓLK TIL AÐ VELJA ÞIG.

sýna árangur/

Auðveld leið frá heimsókn til viðskipta.

Góður vefur svarar spurningum, byggir traust og styttir leiðina að viðskiptum. Veldu þau kerfi sem styðja við þinn rekstur.

Þú hefur lagt vinnu í að byggja upp fyrirtækið þitt. Vefurinn á að sýna gæðin, svara því sem viðskiptavinurinn vill vita og gera honum auðvelt að taka næsta skref. Það er mitt verk.

Sindri Már, stofnandi

Umsögn viðskiptavinar

“

Enginn þeirra kemst í hálfkvisti við verkin þín.

Ég sá hæfileikana í þér frá byrjun og þess vegna kaus ég þig. Sköpunargáfan er mögnuð, afköstin gríðarleg og útkoman einfaldlega frábær. Trúðu mér, ég skoðaði ótal vefi hjá samkeppnisaðilum okkar og enginn þeirra kemst í hálfkvisti við verkin þín.

Þýtt úr ensku

Lesa um verkefnið →

„Ég, sem eigandi Hönnunar Studio Ísfeld, fékk Sindra Má hjá SNDR til að uppfæra vefsíðuna, útlitið og tæknilegar lausnir. Sindri hefur góðan skilning á því hvað hentar síðu innanhússarkitekts. Hann er með flott auga fyrir litum og formi og var fljótur að gera síðuna þannig að ég varð ánægð. Það var skemmtilegt að sjá hvernig hann sá mig sem hönnuð og hvernig ég nota form og liti, og það komst vel til skila á síðunni minni.“

„Við hjá Reyni bakara fengum SNDR til að hanna fyrir okkur nýja heimasíðu. Við fengum mjög gott tilboð sem stóðst upp á krónu. Öll vinnubrögð og samskipti voru upp á tíu og allt stóðst 100%. Við enduðum með flotta heimasíðu sem virkar vel og lítur mjög vel út. Við gætum ekki verið sáttari og okkur finnst meira en sjálfsagt að mæla með SNDR í bæði smærri og stærri heimasíðuverkefni.“

„Það hefur verið frábær upplifun að vinna með Sindra. Hann var snöggur að skila af sér mjög góðu verki, sem er strax farið að skila sér.“

sýna þjónustu/

Það sem fyrirtækið þitt þarf á netinu

Byrjum á vefnum og bætum við því sem nýtist rekstrinum. Ég sé um hönnun, texta og tæknina, svo þú getir einbeitt þér að viðskiptavinunum.

nýr_vefur()

Ný vefsíða

Vefur sem byggir á þínu fyrirtæki, þínu fólki og því sem þú selur. Allt frá fyrstu hugmynd til birtingar.

• Hönnun, texti, forritun og uppsetning á léninu þínu
• Íslenska og enska hlið við hlið þegar þess þarf
• Hraði, aðgengi og símaútlit mæld áður en vefurinn fer í loftið

Meira um vefhönnun ↗

endurhönnun()

Endurhönnun

Skýrari framsetning, betri upplifun í síma og einfaldari leið að fyrirspurn eða bókun. Gott efni úr gamla vefnum fær að halda sér.

• Úttekt á núverandi vef áður en nokkuð er hannað
• Lifandi frumgerð af öllum vefnum sem þú skoðar áður en smíði hefst
• Gamlar slóðir fluttar rétt svo Google tapi ekki þræðinum

hýsing()

Hýsing og viðhald

Öryggi, afrit, vöktun og lagfæringar. Vefurinn einfaldlega virkar og ég svara þegar eitthvað kemur upp.

• Hröð og örugg hýsing, vefurinn hleðst fljótt hvar sem gesturinn er
• Sjálfvirk afrit og SSL sem endurnýjar sig sjálft
• Vöktun og smærri tæknilegar lagfæringar í mánaðarplaninu

vefumsjón()

Vefumsjón og CMS

Þú breytir texta, myndum og verðum. Eða hringir í mig og lætur mig um það.

• Reitirnir merktir á íslensku, engin tæknikunnátta nauðsynleg
• Vörur, matseðlar, fréttir og verð uppfærð hvenær sem er
• Ég kenni þér á kerfið og held áfram að sjá um það ef þú vilt

Sjá kerfið sjálft ↗

einnig smíðað eftir þörfum: Vefverslanir með íslenskum greiðslulausnum · Bókanir á herbergjum, borðum, ferðum og tímum, beint af vefnum og án þóknunar · Tilboðs- og fyrirspurnaform sem skila sér beint til þín · Matseðlar, verðskrár og vörulistar sem þú uppfærir sjálfur · Tengingar við bókunar-, greiðslu- og bókhaldskerfi sem þú notar nú þegar · Vefir á íslensku, ensku og fleiri tungumálum · Flutningur af Wix, WordPress, Squarespace og öðrum kerfum, með gömlu slóðirnar fluttar rétt · Nokkur fyrirtæki eða útibú á einum vef · Lendingarsíður fyrir auglýsingar og herferðir · Verkasöfn fyrir fagfólk, listafólk og iðnaðarmenn · Myndefni, stutt myndbönd og merki þegar á þarf að halda

keyra ferli --skref 3

Svona vinn ég

kynnast()1/3

Ég kynni mér reksturinn

Ég kynni mér allt sem til er um fyrirtækið þitt og skrifa textann sjálfur. Vefurinn fjallar um þig frá fyrsta degi, ekki um blindtexta sem á að skipta út seinna.

hanna()2/3

Þú skoðar hönnunina lifandi

Hvert fyrirtæki fær sína eigin hönnun. Þú skoðar lifandi frumgerð og segir mér hvað þér finnst, í stað þess að rýna í skjáskot á glærum.

í_loftið()3/3

Vefurinn fer í loftið

Hraður vefur, rétt uppsettur fyrir Google og í öruggri hýsingu. Eftir opnun er ég áfram til taks í síma.

handbók sndr

Það sem fólk spyr oftast um

hver_er_ég()

Sindri Már

Ég er fæddur og uppalinn á Íslandi og hef smíðað vefi í sjö ár. Þetta byrjaði fyrir alvöru þegar ég fór að hjálpa til í fjölskyldufyrirtækinu og sá hvað góður vefur breytir miklu fyrir lítið fyrirtæki.

Ég sé um hönnun, texta, forritun og birtingu og get tekið að mér áframhaldandi hýsingu og viðhald. Þú færð einn tengilið sem þekkir bæði fyrirtækið þitt og vefinn.

lesa meira um mig ↗

Ekkert sniðmát

Útlit og uppbygging mótast af því sem þú býður upp á og fólkinu sem þú vilt ná til.

Árangurinn skiptir mestu

Fallegur vefur sem skilar engu er bara mynd í ramma. Markmiðið er fleiri viðskiptavinir, ekki fleiri hrós.

Texti sem selur

Viðskiptavinurinn á að skilja hvað þú býður upp á, af hverju það skiptir máli og hvert næsta skref er.

Einn maður, eitt símanúmer

Þú talar við þann sem smíðar. Ekkert þjónustuborð, enginn tengiliður á milli.

hefja verkefni

TVÆR SETNINGAR DUGA

Segðu mér hvað þú býður upp á og hvað vefurinn á að gera betur. Ég svara sjálfur með tillögu að næsta skrefi og fast verð þegar umfangið liggur fyrir. Engin skuldbinding.