gervigreind/
Opnunartímar, aðstaða, reglur og verð. Aðstoðarmaðurinn hjálpar gestum að fá svör á vefnum, líka þegar þú ert upptekinn. Með tengdu bókunarkerfi getur hann flett upp framboði og undirbúið beiðni sem gesturinn staðfestir.
14.900 kr á mánuði án vsk. Innifalið í planinu Allt.
lesa hvað_skiptir_máli()
Styrkurinn felst í upplýsingunum um þitt fyrirtæki og tengingunum sem hjálpa gestinum áfram.
Hann veit það sem þú segir honum, ekki bara það sem stendur á vefnum. Reglur um afbókun, hvað hentar börnum, hvar er best að leggja, hvað þú gerir þegar veðrið bregst. Þetta er þekking sem er annars bara til í höfðinu á þér og í símanum.
Hann flettir upp í dagatalinu og verðskránni og svarar með raunverulegum tölum. Þess vegna getur hann svarað „er laust um helgina?“ og „hvað kostar þetta?“ en ekki bara vísað á síðu sem gesturinn þarf sjálfur að lesa.
Hann er stilltur til að byggja á samþykktum upplýsingum og vísa áfram þegar svar vantar. Ég prófa raunverulegar spurningar með þér fyrir birtingu. Gervigreind getur gert mistök, svo mikilvægar upplýsingar og bókunartillögur þarf að yfirfara.
keyra sýnishorn
Þetta er aðstoðarmaðurinn sjálfur, sama forrit og viðskiptavinir fá uppsett. Fyrirtækið er tilbúið dæmi og upplýsingarnar eiga aðeins við það.
Veldu spurningu og sjáðu hvernig aðstoðarmaðurinn birtir svarið. Samtölin sýna algeng erindi fyrir skáldað gistihús.
Enginn aðstoðarmaður er tengdur við þessa síðu. Svörin eru skrifuð fyrir fram og birt í forritinu sjálfu, þannig að ekkert hér getur verið uppspuni.
Hann þylur ekki upp hvað hann kann, hann spyr hvað hann geti gert fyrir þig. Það kemur skýrt fram efst og neðst í glugganum að þetta sé sjálfvirk aðstoð, ekki bara í einni setningu sem hverfur upp úr samtalinu. Tillögurnar koma úr þínum eigin algengu spurningum.
Merkið fyrir ofan svarið segir að hann hafi flett upp í verðskránni þinni. Talan er reiknuð í sama kerfi og bókunarformið notar og birtist í skýrum reit sem gesturinn getur ekki mislesið.
Sama merki, sama uppsetning. Hann les dagatalið, hann breytir því ekki, og gesturinn heldur áfram í bókunarbeiðni ef hann vill.
Hér sérðu leiðina þegar upplýsingar vantar: gestinum er bent á að hafa samband. Þessi mörk eru prófuð með upplýsingum um þinn rekstur áður en aðstoðarmaðurinn fer í loftið.
Ferðamaðurinn spyr á ensku og fær svar á ensku, úr sömu upplýsingum. Þú þarft ekki að halda úti tveimur útgáfum af svörunum.
Svarið hér er ekki af neinni síðu. Það er það sem þú sagðir honum um staðinn, sett upp þannig að gesturinn les það sem hann þarf og sleppir hinu.
lesa uppsetningu()
Ég fer yfir vefinn og þær tengingar sem þarf. Síðan set ég aðstoðarmanninn upp og prófa hann með þér.
01útlit()
Litir, letur og form koma úr vefnum þínum. Hann keyrir í eigin hólfi svo hvorugt kerfið geti skemmt hitt.
02þjálfun()
Við förum yfir reksturinn saman: verð, reglur, það sem gestir spyrja alltaf um og það sem hvergi stendur skrifað. Þú staðfestir hverja línu áður en hann fer í loftið.
03prófun()
Þú spyrð hann tíu spurninga í einrúmi og sérð nákvæmlega það sem gestur myndi sjá. Ekkert fer í loftið fyrr en þú segir já.
04þak()
Takmörk á hverja fyrirspurn, á hverja tölvu á dag og á daginn í heild. Reikningurinn getur ekki farið úr böndunum.
lesa stöðu.gervigreind
tilbúið
Verð og framboð eru sótt úr tengdu kerfi. Gesturinn yfirfer tillöguna og sendir sjálfur bókunarbeiðnina; framboð er athugað aftur við sendingu. Aðstoðarmaðurinn tekur ekki greiðslur og breytingar eða afbókanir fara áfram til þín.
opna samtal
Segðu mér hvaða spurningar taka mestan tíma. Saman skoðum við hvort aðstoðarmaður henti og hvaða upplýsingar og tengingar hann þarf.