HVAÐ ÞESSI VEFUR VEIT UM ÞIG.

Þegar þú fyllir út samskiptaformið

Formið tekur nafn, fyrirtæki, netfang og skilaboð og sendir þau í tölvupóst til mín í gegnum eigin þjónustu á Cloudflare og tölvupóstþjónustuna Resend.

Ef þú kemur af merktum auglýsingahlekk geta merkingar um miðil, herferð og auglýsingu fylgt fyrirspurninni. Þær berast milli síðna í vefslóðinni án þess að vera vistaðar í vafrakökum eða geymslu vafrans. Þetta hjálpar mér að sjá hvaða auglýsing leiddi til fyrirspurnar.

Formið fer fyrst í gegnum litla þjónustu á Cloudflare sem ég rek sjálfur, og þaðan í tölvupóst í gegnum Resend. Báðir aðilar sjá innihaldið á leiðinni. Viljir þú sleppa því eru netfangið og símanúmerið neðst á hverri síðu og hvort tveggja endar á sama stað.

Ég geymi póstinn þangað til erindinu er lokið. Þú mátt biðja mig að eyða honum og þá geri ég það.

Þegar þú mælir vefinn þinn

Þú slærð inn lén eða vefslóð. Mælingin sækir allt að 15 opinberar síður ásamt robots.txt og vefkortum og reiknar einkunn út frá því sem tekst að lesa.

Niðurstaða fyrir læsilegan vef er geymd í allt að klukkutíma með slóðinni, svo hægt sé að svara endurtekinni mælingu án nýs lesturs.

Til að enginn geti keyrt mælinguna þúsund sinnum eru mælingar takmarkaðar við tuttugu á dag á hverja IP-tölu. Það sem er geymt er talan sjálf, ekki hvaða lén þú mældir, og hún þurrkast út eftir tvo sólarhringa.

Eldri netfangaskráningar úr mælingunni

Mælingin safnar ekki lengur netföngum. Hafir þú áður skráð þig fyrir viðbótarmælingu eru netfangið og lénið geymd í allt að sex mánuði frá skráningu og aðeins notuð í þeim tilgangi sem þú samþykktir.

Þú getur sent mér línu hvenær sem er og beðið um að skráningunni verði eytt fyrr.

Auglýsingamælingin frá Meta

Ef Meta-mæling er virk á vefnum er hún notuð til að meta árangur auglýsinga á Facebook og Instagram. Hún getur sett vafrakökur eftir samþykki þitt.

Hún fer ekki í gang fyrr en þú ýtir á Samþykkja. Ýtirðu á Hafna, eða svarar engu, sækir vefurinn ekkert frá Meta og engar vafrakökur verða til. Þetta eru ekki orðin tóm: kóðinn er ekki í síðunni fyrr en samþykkið liggur fyrir.

Með samþykki getur Meta fengið upplýsingar um síðuskoðun og atburði eins og mælingu eða innsenda fyrirspurn. Skilaboðatexti og innsláttarreitir eru ekki send sérstaklega í þessum atburðum. Meta getur einnig fengið slóð síðunnar, þar á meðal lén í mælingarslóð, og tæknilegar upplýsingar samkvæmt sinni vinnslu.

Þegar samþykkisborðinn er virkur geturðu breytt valinu með hnappnum Vafrakökur neðst á síðunni. Valið geymist í vafranum.

Það sem vafrinn þinn geymir

Staðbundin geymsla man litastillingu og samþykkisval þar til þú breytir því eða hreinsar vafrann. Ef ekki er hægt að geyma samþykkisval þar getur það verið geymt í vafraköku í allt að 180 daga.

Setugeymsla man hvort þú hafir séð opnunina eða lokað tilkynningu um nýjan vef, og hreinsast þegar setunni lýkur. Þessar stillingar eru notaðar til að stjórna framsetningu og samþykki á þessum vef.

Hýsingin

Vefurinn er hýstur hjá Cloudflare. Eins og hver einasti hýsingaraðili sér Cloudflare beiðnirnar sem berast, þar með talda IP-tölu, til að geta afhent síðuna og varist árásum.

Réttur þinn

Þú átt rétt á að vita hvað ég hef um þig, fá það leiðrétt og fá því eytt. Í reynd þýðir það að þú sendir mér línu og ég svara þér, því ég er einn maður með eitt tölvupósthólf en ekki heila deild.

Ef þér finnst ég ekki fara rétt með upplýsingarnar getur þú leitað til Persónuverndar, personuvernd.is.

Ábyrgðaraðili

Sindri Már Sigurðsson, SNDR Studio, Ísland.